انت مش ناوي تيجي تكلم بابا بقي؟ -- اكلمه حاضر بس اكلمه في إيه هو يعرفني أساساً - أنت هتستهبل !؟ تكلمه علي موضوع خطوبتنا! -- خوطبهاهاهاهاهاهاهاهاهاهاهاهاهاهاهاهاهاهاها يعني أنتي جايباني علي ملى وشي علشان كده بس - يا سلام واللي أنا قولته يضحك قوي كده؟ -- مش بتقولي خطوبتنا ؟؟ يبقي لازم اضحك .. تعالي نتكلم بصراحة هاجي وأقابل أبوكي ويقولي "يابني احنا بنشتري راجل" وقبل ما أرد وأقوله ربنا يخليك يا عمي هيقولي "قدامك سنة ونص تكون جهزت فيها نفسك" , ونعمل الخطوبة وتغيري relashionship وتفضلي كل شوية تعمليلي منشن لبوستات من بيدج أنا وحبيبي كل ثانية وتبعتيلي في قلوب وشغل تلزيق وحاجه قرف مش بس كده , هتعيشي دور عبلة الكحلاوي وتقوليلي إنت لازم تبطل تشتم ع الفيس بوك أنا لازم خطيبي اتشرف بيه وسط الناس وشغل بيض من بتاعكوا ده - إيه اللي أنت بتقوله ده؟ -- بعد إذنك سيبيني أكمل كلامي .. هتخليني أغير خط الموبينيل بتاعي وأحيب خط اتصالات زيك علشان أنتي قذره وعاملة عرض الدقائق وتخليني أعمله أنا كمان علشان نكّلم 78 مرة في اليوم , أنزل أقولك أنا نازل أطلع أقولك أنا طلعت أخش الحمام أقولك إيه سبب دخولي الحمام , وأكلمك ومترديش عليا علشان أقولك "أنتي كنتي فين" تقوليلي "نزلت مع مامتي نشتري شوية حاجات" أقوم قايلك "إزاي تنزلي من غير ما تقولي" تفضلي تتمرقعي وتقوليلي "يا بيبي أنا أقدر اتحرك من غير ما أقولك" وأنا اقتنع بكلامك - ؟ -- هيجي عيد ميلادك تفضلي تفكريني بيه قبلها بأسبوع وكل شوية هتقوليلي مش أنا عيد ميلادى خلاص قرب علشان أجيبلك هدية تتفشخري بيها قدام صحابك وتقوليلهم إن قد إيه أنا كيوت , وياريتها تيجي علي قد عيد ميلادك في رمضان جاي وهتعوزي فيه فانوس مع إنك مش هتعملي بيه حاجه بس إزاي لازم أجيبهولك , بعد رمضان العيد هتقوليلي خطيبة مش عارف مين خطيبها اداها عيدية مش عارف مين جابلها علبة شوكولاته ب 400 جنيه هضطر اجيبلك أنا كمان علشان تبقي زي صحابك , هيجي بعد كد العيد الكبير وإنسانة سطحية زيك مش هتفوت المناسبة دي من غير هدية طبعاً وشم النسيم ومولد النبي و و و
هتطلبي مني أخرجك يوم أجازتي اللي بستناه علشان ارتاح فيه وانا هرفض في الأول وأقولك أنا تعبان وعايز أنام بس بعد ما تفضلي تزني هسمع كلامك وأقولك عايزة تروحي فين تقوليلي مول العرب ونروح مول العرب وتخليني أصورك عند النافورة اللي بترقص علشان زي ما قولتلك أنتي إنسانة تافهة وتعملي شير لوكيشن وتقولي "إن مول العرب مع خطيبي يا ناس" , وطبعاً وإحنا بره لازم ناكل هجوعك يعيني! هجيبلك أكل من عند ماك وبعد ما نخلص طفح هتقوليلي أنا نفسي في ميلك شيك وطبعاً هجيبلك ميلك خره عليكي وعلي دماغ اللي خلفوكي - ................................. -- هنفضل ع الوضع ده حوالي 9 شهور كل يوم كروت شحن كل أسبوع خروجه كل شهر هدية وهستلف من صحابي علشان أجيبلك الحاجات دي وهبقي مديون للدنيا والدين ومش قادر أسدد لحد حاجه .. وفي مرة هكون بتغدي عندكوا أبوكي هيقولي "إنت بقالك 9 شهور داخل خارج علينا أنت عملت إيه في ال 9 شهور اللي فاتوا" هقوله "والله يا عمي أنا عملت آآآآآآآآآ ولا حاجه" أبوكي هيقفش عليا ويقول "ده مش كلام ده يابني أنا رأي إن كل شئ قسمة ونصيب" وهيدخل يجبلي الدبلتين والمحبس اللي كنت جايبهم وكل واحد يروح لحاله - -- حالتي النفسيتة هتتدمر بعد اللي أبوكي عمله معايا وهبقي متخبط طريقين الطريق الأول إن امشي في طريق ربنا وابتدي اصلي واغير اسمي ع الفيس بوك واخليه التائب إلي الله , وهشير حاجات من اجعل صفحة محمد رقم 1 ع الفيس بوك وفيديو إيدي جاريرو وهو بيموت واكتب كل نفس ذائقة الموت , وفي مرة وأنا بصلي الفجر في الجامع هتعرف علي واحد سلفي يبتدي ياخدني معاه الدروس ومرة علي مرة هطلق لحيتي وصديقي السلفي يبتدي يكلمني عن الجهاد وحلاوته وقد إيه الشهادة في سبيل الله حاجة عظيمة وأنا هقتنع بكلامي ويقولي خلاص جهز نفسك علشان هتسافر يوم الخميس , وهسافر العراق وانضم لتنظيم داعش زي إسلام يكن وأهلي ساعتها هيتبروا مني علشان هما في الأصل عندهم إسلاموفوبيا وهتحصل غارة أمريكية وأنا هناك وهموت ومحدش هيعرف عني حاجه
والطريق التاني إني أمشي في طريق الحرام وكل يوم اقضيها سكر وعربده وأعرف بنات واسهر في كباريهات , وهناك هتعرف علي رقاصة الرقاص دي هتبقي ميكس بين نجوي فؤاد في فيلم شاويش نص الليل ونهي العمروسي في فيلم التوت والنبوت وهتعلمني أشد هيروين والعب قمار وأفضل كل يوم معاها وأسيب البيت , وفي يوم هتلاقي تاني حد غيري وتنساني ساعتها وتدي للجاردات أوامر إنهم لو شافوني يرموني في الشارع , هرجع لأبويا وأنا هدومي مقطعة وتحت عيني أسود بس أبويا مش هياخدني تحت باطه زي فريد شوقي لأ هيطردني من البيت ويقولي لا أنت أبني ولا اعرفك وهمشي وأنا مش عارف أروح فين رجلي هتاخدني علي كوبري قصر النيل وهرمي نفسي في النيل واموت كافر ومحدش هيعرف عني حاجه -
..