على اونو على دوي على اتري مين يفتح المزاد مين يشري الفرح والا لام الياس والا حلام الصمت والكلام الحرب والسلام ونظرة امل في عيون منسية

اغاني المغربية

حــــبــــيــــبــــتــــي /كلمات محمد الخمّار /لحنها عبد السلام عامر لعبد الوهاب الدكالي بداية الستينيات

حبيبتي عدت، فهل ترى ليالينا تعود
ملأ يديّ سوسن و ياسمين و ورود
القلب قد أضناه المسير يقطع الدرب وحيد
من بعد ما أتعبه بحثه عن هوى جديد
حبيبتي لا تسأليني هل وجدت فما وجدت
عرفت منذ الأول أنني أفشل منذ الأول
في البحث عن هوى جديد
لكن أمرتِ فأطعت و ها أنا ذا قد رجعت
ملأ يدي سوسن و ياسمين و ورود
و ملأ مهجتي هواك
حبيبتي لا تسأليني ما قصتي
الغدر في الدرب كثير
و الزيف فيه يا حبيبتي كبير
كان الفراق تجربة
ما أروع الحب وليد التجربة.

انا والغربة كلمات حسن المفتي الحان وغناء عبد الوهاب الدكالى

أنا والغربة ومكتابي
عايش جوّال…
لا تقهرني بحور الشوق..
ولا توقف فـي طريقي جبال
رمال الصحرا عارفاني..
وأرض الله…
وصوت الحبّ ناداني..
وتهت وراه..
نتخطى الشوك ونوصلّو
لو كان محال..
جوال أنا والغربة ومكتابي
عايش جوال
الليل وخّا يطفي نجومو
ما يخوّفني..
وِلى تحدّاني بهمومو
ما يرجعني..
الخطوة ثابته وطريقي حتما نمشيه
ما دام حبيبي ناداني…
وْلاغاني..
المسافة لازم تهون
ونوصلّيه..
ولمّا الغربة ترميني فـي الدوّامة
ودروبي تولّي مظلامه
موّالي يصبح رفيقي
قنديل كينوّر طريقي
ويتمنّى لي السلامة
احياني على الغربة
نبقى ماشي ليل مع نهار
مع التيّار
نتعذّب .. وخّا نتعذّب
ونتغرّب .. وخا نتغرب
حتّى يوصل ميعاد الحبّ
ونتلقّاه..
وترتاح الآه..
عايش جوال
كنت ومزال عايش جوال
والصبر ولفني وولفتو
ولينا صحاب
وبعد العشرة فتح ليا باب
وقالي هناك كاين الحباب
ذوبت الحزن اللي كواني
دويت الجراح اللي فيا
دويت وعييت ما نداوي
زرعت الورد في وجداني
رجعت البسمة الصبية
وقلت لعيوني ياعيوني
نهارك بان
يسطع ويغنّي يا عيوني
بشمس الأمان..
والحبّ غزلّك يا قلبي..
خيمة لحلام
فيها تدفا من برد ليّام..
وتنسى الغربة والترحال
جوّال..

قصة الغرام كلمات عبد الرحمان العلمي والحان وغناء عبد الوهاب الدكالب

قصة الغرام كانت أحلام
صبحت اليوم عندي مكتوبة
غاب الحبيب غاب أيام
تفارق العشيق مع المحبوبة
دويت في الحب وقلت كلام
حكم الحب وجات النوبة
بغيت نسول ناس الغرام
واش الحب ما فيه التوبة
الساعة اليوم صبحت عام
وايام الفراق شحال محسوبة
بديت نسهر أنا والشمعة
وطال الليل علينا طال
هي دمعة وأنا دمعة
..................
وقت دموعها قليلة
يطلع نهارها وترتاح
وتبقى دموعي هطيلة
ليلي ونهاري نواح
وضاعت مني الخليلة
كانت تحكي المراح
مضوية على القبيلة
ضحكة ضو المصباح
وعيون شحال جميلة
شحال خصني من ليلة
وانا نحكي عاد نرتاح

اجي نتسالمو كلمات احمد الطيب العلج الحان وغناء عبد الوهاب الدكالي

أجي نتسالمو
اجي نتسالمو يمكن نتفاهمو
اش بيني وبينك قولي لله
علاش نتخاصمو
العتاب ما يفيذنا
غير يزيدنا عذاب وخصوم
احسن نتسامحو
واجي نتصالحو
الخصومة حشومة
الحبيبة العزيزة
عندي معاك عهد ربي
في ترابك هايم مشغول
وانت يا حبيبة قلبي
خلي اللي بغا يقول شي يقول
شافوني وشافوك الناس
وعرفونا مخطوبين
نتصالحو مفيها باس
ظالمين ولا مظلومين

الولف صعيب كلمات عبد الرحمان العلمي الحان وغناء عبد الوهاب الدكالي

بغيت نحاول نصبر
ونديرها غير تجربة
واش قلبي يقدر
على فراقك ألحبيبة
وقت الحب يكثر
وما يفيذ معاه صبر
وهذيك هي اللي صعيبة
الولف صعيب
قالوا لي نساه وارتاح
قلت لهم كلمة صريحة
في الحب ما عندي سلاح
ولا عندي كبدة صحيحة
والا حاولت ننساه
وجا غيري وداه
هذيك هي الفضيحة
بغيت نغامر ونزيد
نمشي نهاجر ونجول
ويمكن الولف يزول يزول
خفت نعيش ديما غريب
وما يبقى لي في الدنيا حبيب
ونكون أنا المسؤول
سولوا غزالي حتى لاين
والايام محسوبة علينا
نتخاصموا وكاين الحل بين ايدينا
نجمعوا خلاص الشمل
وقصة الغرام تكمل
وتطوى هاذ الهزيلة

جاري ياجاري كلمات احمد الطيب العلج الحان عبد القادر الراشدي غنا ء نعيمة سميح

جاري يا جاري ياللي
دارك حدا داري
خلينا نمشيو فالطريق
رفاگة و صحاب
العشرة و الدين و النسب
نوليو دراري
شفايا للعدا
و كنا نساب حباب
*******
جاري لا تحسبني ضعيف
قادر نحمي نفدي الدار
لكن أصلي و طبعي شريف
و نفضل نمشي بالنهار
و زعما يا جاري
راك عارف فاهم قاري
آش هاذ الغلط يا الخاوة
راجع لحساب
********
أرضي أرض الخير گولها
بالصوت العالي و لا تخاف
و إلى نتحمل ذلها
كتافي ما بقاو ليا كتاف
و زعما ياجاري
راك عارف فاهم قاري
آش هاذ الغلط يا الخاوة
راجع لحساب

قصيدة :وشاية
شعر:نزار قباني
الحان:عبدالرحيم السقاط
غناء:عبد الوهاب الدكالي
*****
أأنت الذي ياحبيبي نقلت***لزرق العصا فير أخبارنا؟
فــجـاءت جـمـوعـا تـدق***مناقيرها الحمـر شباكـنا
وتغـرق مضجعنا زقزقات***وتغمر بالقش أثوابنا
ومـن أخبر النحل عن دارنا؟***فجاء يقاسمنا دارنا
ومن قال للورد حتى تدلى؟***يزركش بالنور جدراننا
ومـن قـص قصتنا للفراش؟***فراح يلاحق آثارانا
سيفضحنا ياحبيبي العبير*** فقد عرف الطيب ميعادنا

سوق البشرية كلمات عمر التلباني الحان وغناء عبد الوهان الدكالي

على أونو على دوّي على اتري
مين يفتح المزاد مين يشري
الفرح والآلام , اليأس والأحلام
الصمت والكلام , الحرب والسلام
ونظرة أمل في عيون منسية
كل شي يتباع في سوق البشرية
ياشاري خد مايحلا لك
مادام القيم انهارت والنفس الحرة اتهانت
والناس عبيد أموالك
على أونو على دوّي على اتري
مين يفتح المزاد مين يشري
الرضى والملامة , الجبن والشهامة
الغنى والأمان , الفقر والحرمان
وظلم من دارو بك؟ الهمجية
كل شي يتباع في سوق البشرية
ياشاري خد مايحلا لك
مادام القيم انهارت والنفس الحرة اتهانت
والناس عبيد أموالك
على وان على تو على اثري
مين يفتح المزاد مين يشري
الضياع والكلمة المعسولة
الخداع وبراءة الطفولة
الغربة ودفئ الأحضان
والمحبة ومر الهوان
وحر القسوة ودفئ الإنسانية
كل شي يتباع في سوق البشرية
ياشاري خد مايحلى لك
مادام القيم انهارت والنفس الحرة اتهانت
والناس عبيد أموالك

مرسول الحب كلمات حسن المفتي الحان وغناء عبد الوهاب الدكالي

مرسول الحب فين مشيتي وفين غبتي علينا
خايف لتكون نسيتينا وهجرتينا وحالف ماتعود
مادام الحب بينا مفقود وانت من نبعه اسقيتينا
باسم المحبة باسم الأعماق وحر الاشواق
كانترجاك تسول فينا وارجع لينا
يدوب الصمت وتتكلم أغانينا
***

مرسول الحب غيابك طال هذا المرة
وقلوب الاحباب وانت بعيد ولات صحرا
لايحركها إحساس جديد ولاتنبت فيها زهرة
تفتح بالشدى والطيب وتونّس لي بال
بات غريب تايه في ليل بلا قمرة
***

وآه آه من دنيا العشاق آه آه
ذبلت الاوراق لاهم سابح فيها مشتاق يلقى حبيبه
ولا مجروح ناداه طبيبه ولا بسمة في عيون هايمة
لاغي الهوى وتجيبه
فين دايبين في ليل الحب فين دايبين في نار الفراق
باسم المحبة باسم الأعماق وحر الاشواق

تعال تعال يامرسول اشتقنا لك يامرسول
تروينا تاني من إيديك
دوقنا طعم الحنان يغرس في اعماقنا والوجدان
أغنية حب تتحدى الزمان
تخلي البعيد يولي قريب واللي قاسي يصبح إنسان

لاتقوليش نساني
كلمات أحمد الطيب العلج/ألحان عبد القادر الراشدي /
غناء عبد الهادي بلخياط /اذيعت اول مرة من مسرح
الأولمبيا بباريس صيف سنة1972
****
كيفاش يمكن قلبي ينساك
وانتي في وجودي وكياني
تنساني انتي والحق معاك
عافاك لاتقوليشي نساني
انتي تقدري يمكن تنسى
وتطوي الماضي طي الكتاب
يمكن قلبك يهجر ويقسى
وتسمي كلشي في المكتاب
لكن انا مع الذكريات
عايش في ربيع دايم وجميل
الماضي حاضرولي فات
قبالة عيني نهار وليل
مازال صدى كلامك لحلو
موالي في كل اغنية
مازال خيالك بظلو
عشيري ما يفرط فيا
ما زالا انتي في عيني وردة
فريدة في دنيا الجمال
فوق الزمن فوق المدة
بعطور فايحة وما تذبال
خيالك عندي حمام السلام
ونيسي ورفيقي في كل مكان
ورنين صوتك أحلى نغم
يملأ وجداني وكياني
بحال مشيتي بحال وليتي
عايش معاك مدى الحياة
خليك بعيد ة يلا بغيتي
حبي اكبر من المسافات

كان ياما كان كلمات محمد الباتولي الحان وغناء عبد الوهاب الدكالي

كان يا ما كان
كان ياما كان
حكاية ترويها العجايز للصبيان
قبل ما تنام.. يغنيها راوي
امام الزمان..
بادي الكلام بكان ياما كان

كان يا ما كان
أنا وحبيبي عاشقين الاثنين
نرعى الغنم عايشين هانيين
فوق المرج الاخضر
بالليل نباتوا ساهرين
نغنيو ونحلم
فالصبح نخرجو متعانقين
نحلمو بموسم الحصاد
نديرو عرس ونولدو اولاد
هاكدا حلمنا كان يكبر.. وكان يا ما كان

وف يوم من الايام
ولد شيخ البلاد
على جوادو كان هواد
شاف غزالي ف الواد
خطفها وزاد
خلا دمعي عليها هواد
ما قدرت عليها نصبر
ف ليلة الفرح تألم قلبي
وسال الجرح وكان اللي كان

وقبل ما يطل الصبح
ويبان ضو الفجر
تسللت للقصر
وخطفت البدر
ناوي بغزالي نهرب
لكن السور كان عالي
ولما قفز جوادي عثر
شافونا الأهالي
وتفضح السر

ف ديك الليلة
تجمعت القبيلة
ف ديك الليلة
حكمت القبيلة
أنا والخليلة نترجمو بالحجر
بين يوم وليلة
تنفذ الأمر وماتوا العاشقين متعانقين الاثنين
من أجل الحب ضحاو بالعمر
بكات عين كل العاشقين
على اللي دفنو الاثنين فقبر واحد بجنب النهر
وبعد يومين على جنبنا نبتت شجرة
اغصانها متشابكين
رخات ظلها وظلات القبر
وردات اثنين نبتوا متعانقين
باكيين بالعين لونهم أحمر
عصفور أخضر
ف كل فجر يجي يزورنا
يغني حكايتنا ويدعي الله
لينا يغفر
ومع الايام صبحو العشاق
كل جمعة يزوروا الشجرة
يرشوا المقر ما وحنة وزهر
يشعلو شمعة يذرفوا دمعة
يغطيونا بثوب حرير لونو أخضر
ومع الايام صبحت حكايتنا
ترويها العجايز للصبيان
قبل ما تنام يغنيها راوي امام الزمان
بادي الكلام بكان يا ما كان

كاس البلار كلمات فتح الله المغاري وغناء فتح الله المغاري

إلى غاب كاس البلار
يبقى فلبي محتار
خايف عليه
يدور من دار لدار
من يد ليد نهار
نستنى فيه

يا كاس سومك غالي
و الناس ما تعنى بيك
كلها يقول ديالي
و اللي شرب يخليك

و انا نهدي مالي
و بروحي و عيوني نفديك
حتى شي ما يحلى لي
غير نظرة فيك

لا تغيب يا كاسي إلى مشيتي
و لا تقول لغيري منين جيتي
غير سير و ولي عندي كيف كنت
و سقيني من ماك إلى رجعتي

يا كاس سومك غالي
و الناس ما تعنى بيك
كلها يقول ديالي
و اللي شرب يخليك

مو حال واش ينساك البال كلمات فتح الله لمغاري الحان عبد الله عصام غناء محمود الا ردريسي

موحال واش ينساك البال
موحال واش إسمك يتمحى
غبتي إنت وبقا الخيال
شاغلني في مسا وضحى
مازال ما فقدت الأمل مازال
مازال ما طويت الصفحة
صفحة غالية في حياتي
ومرسومة في صميم القلب
وكفاش يمكن نطويها
صفحة نابعة من ذاتي
وممزروجة بخيوط الحب
ودموع لوفا ترويها
وإلى سألتها تتكلم
وتفاجي علي لهوال
وتحلى الدنيا بيها
وإلى طويتها نتألم
ونعيش ثاني في المحال
والحيرة ترجع لي
باني من خيالك صورة
هي ونيستي في الوحدة
وهي كل ما كنملك صورة
فيها حياتي محفورة
تناجيني وقت الشدة
وعايش بيها من أجلك
وخا تغيب سنة وسنين
راه خيالك ديما في البال
تقدر تحرمني منك
ومن خيالك هذا موحال
مو حال واش ينساك البال
موحال إسمك يتمحى
غبت إنت وبقا الخيال
شاغلني في مسا وضحى
مازال ما فقدت الأمل
مازال ما طويت الصفحة

الثلث الخالي كلمات حسن الفتي الحان وغناء عبد الوهاب الدكالي

حجبوك لعدا ياولفي ونار الشوق مابغات تهدا
ومع لحزان والوحدة ضاعت ايام
حالف مايضيع غدا
لوبناو عليك صور نهدو بدراعي
أو قطعو بيك لبحور نشقها بشراعي
لو حطوك في جبل عالي
أو حتى في الثلث الخالي
لوحطوك في جبل عالي
أو حتى في الربع الخالي
لازم نوصل ليك ياحبيبي

حجبوك لعدا وظنوني دغيا ننساك
نفرط في هواك
كيفاش وانت ساكن في روحي مرتاح
كيفاش وانت في عروقي تداوي لجراح
عمري يرخص في بعادك يصبح مفقود
وعليك نقاسي لمحان وداتي مالها وجود
لو بناو عليك صور نهدو بدراعي
أو قطعو بيك لبحور نشقها بشراعي
لو حطوك في جبل عالي
أو حتى في الثلث الخالي
لو حطوك في جبل عالي
أو حتى في الربع الخالي
لازم نوصل ليك ياحبيبي

أنا بلا بيك مخلوق تالف في الظلمة
لا سمايا فيها نجمة
ولا طريقي فيها وردة
يعياو هما وانا عمري مانعيا
أنا أنا أنا أنا أنا نا
عايش وبك نحيا
نعشق صبري وعلى طريقي مانحيد
مهما تطول المدة
لو بناو عليك صور نهدو بدراعي
أو قطعو بيك لبحور نشقها بشراعي
لو حطوك في جبل عالي
أو حتى في الثلث الخالي
لو حطوك في جبل عالي
أو حتى في الربع الخالي
لازم نوصل ليك ياحبيبي