الاطفال في بداية حياتهم يختلفون عن بعض .. فيه الي يستحي والي يتكلم وايد والي يتحرك وايد ... والى اخره.
فيه هالسن المبكر تعرف بان " الجينات لها دور كبير فيه تصرفاتهم "
بعد مايكبر ويبدا يتكلم ويسمع الجينات + الاشياء الي يشوفها ويسمعها تحدد شخصيته
وبعدها الاشياء الي تمر عليه فالحياه تكون ردة فعله من خلال " الجينات و خبرته السابقه بالحياه " لاحظ بان الخبره السابقه هي الامور الي خذاها من المحيط الي كان عايش فيه " مب اشياء هو اختارها " لا هالاشياء اكتسبها لانه نولد في المكان الفلاني بالزمن الفلاني للعيله الفلانيه .. وطبعا ماننسى بان جيناته والاشياء الي يمر فيها كل " ثانيه" يتفاعلون مع بعض ويولدون " خبرته السابقه بالحياه" .. وهالشي تلاحظه بين الاخوان مع انهم انولدو بنفس المكان بس مع الوقت شخصيتهم مختلفه عن بعض بسبب الجينات والاشياء الي تمر عليه بحياته اليوميه.
هالكلام الي ذكرته مجرد مقدمه احاول فيها اوضح " من انت " لين اسالك عرف عن نفسك " خبرتك السابقه + جيناتك بتحدد من انت "
الحين اقرب لكم الصوره واعطيكم مثال: تخيل انك ماشي بالسياره وبينك وبين الاشاره 300 متر والاشاره صارت صفره
الحين تخيل ان عندك اختيارين اما انك تمشي وتتعداها او توقف.. " لاحظ بان الاغلب بيحط في باله بانه فعلا كان عنده اختيارين اما انه يتعداها او يوقف
ولكن نرجع مره ثانيه ونسال من انت ؟ تذكر خبرتك السابقه بالحياه وجيناتك هي الي بتحدد اختيارك
اعطيكم مثال: انت شخص مندفع تتحرك وايد من وانت صغير او يمكن تكون شخص من النوع الي يستحي هالشي بيلعب دور كبير فتحديد اختيارك " الجينات
وطبعا هذا مجرد مثال بسيط جدا اقدر احط بداله مليون شي ثاني ولكن كلهم بيكونون ماخؤذين من " خبرتك السابقه بالحياه اوجيناتك"
مثلا تخيل انك انولدت بدوله عندهم " عيييب وغلط كبير انك تتعدى الاشاره وهي صفره وتعرف بان الناس الي حولك بالشارع بيشوفونك بطريقه سلبيه .. او تخيل انك انولدت بدوله " الدوله مجرد مثال تقدر تغيره وتحط بداله اي شي ثانيه مثلا عيلتك او الناس الي قضيت معاهم وقت طويل بحياتك " فتخيل بانهم يشوفون الموضوع بطريقه ثانيه وبان عااااادي لو تعديتها بالعكس لو ماتعديتها يمكن يشوفون ويقولون " خواف"
طبعا هالمثال ركزت فيه على " خبرتك السابقه بالحياه " والمثال الاول عن جيناتك بس طبعا الواقع هو ان جيناتك وخبرتك السابقه يتحركون بنفس الوقت ويحددون القرارات الي بتتخذها في كل ثانيه ..
نكمل ..
تخيل انك تعديت الاشاره ولانك تعديت الاشاره وصلت ذاك المكان الي انت رايح له وتخيل بنفس اللحظه صدت لك موقف ونزلت ودخلت وتخيل انك شفت بنت " وهذي البنت صارت زوجتك بالمستقبل وعشت معاها طول عمرك وجبت عيال ... الخ
انزين تخيل بانك وقفت عند الاشاره وضاعت كم دقيقه ووصلت المكان الي انت رايح له وماحصلت موقف او خل نقول حصلت موقف ونزلت ودخلت .. بس ماحصلت البنت = النتيجه ماتزوجتها وعشت حياه مختلفه بشكل كامل عن الحياه الي كنت بتعيشها لو تعديت الاشاره ..
انزين تخيل انك تعديت الاشاره ووصلت وصفيت وصار نفس السيناريو الي ذكرته فالبدايه بس تخيل انك وقفت ثانيتين ومشيت " تاخرت ثانيتين عن السيناريو الاول" وبعد مادخلت ماحصلت البنت " او يمكن كانت موجوده بس عينك ماجات عليها ! وعشت حياه مختلفه بشكل كامل عن اول سيناريو وثاني سيناريو ذكرته لكم
اتمنى انكم تركزون على الموضوع كصوره كامله " لا تاخذون الامثله وتناقشونها لانها مجرد امثله لتوضيح الصوره "
الحين سؤالي هل الانسان مخير او مسير؟ اذا كان الانسان يتعامل مع كل شي يمر عليه بالحياه من خلال " خبرته السابقه بالحياه + جيناته" فهل انت فعلا قررت بكامل ارداتك " بانك توقف حق الاشاره او تتعداها؟" ولا العكس؟!
شارك الموضوع
مواضيع ذات صلة
المؤمن قوام على نفسه يحاسب نفسه الله وانما خف الحساب يوم القيامة على قوم حاسبوا انفسهم
الحمد لله الذي وعد من حاسب نفسه، وأخذ بزمامها الآمن يوم الوعيد أحمده، سبحانه شرّف أو
إذا كنت من المولعين بالبحث عن الكنوز ..ولم تحظى بمساعده طيبة من الجن فلا تيأس . تكنولوجيا اليوم دخلت سوق المنافسة صار بإمكانك الحصول على آلة للبحث عن المعادن النفيسة المخبأة في باطن الأرض .. ربما يحالفك الحظ ...
ليس فينا من لم يتكأ يوما على وسادة أحلامه ويطلق العنان لأخيلة أوهامه صوب جزر المستحيل- الاعتراف بماسات الحدث الا ان منطق العقل لا يرشحه ابدا للوصول الى المرحلة التي تمكنه من احدث خلل بامن العام
الفريق الأول : العقلاء :الذين يقرأون ما بين الأسطر، وهم على يقين بوجود أيادي خفية
اذا كنا لا نستطع ان نصنع نصرا فيجب ان لا نصنع هزيمة الا حكام القطعية دائما سهلة لا نها مريحة )ابيض واسود)
نسمات :من صور التفكير السلبى : الاحتفاظ بالإساءة وعدم نسيانها مهما مضى عليها من الز
:)
:(
hihi
:-)
:D
=D
:-d
;(
;-(
@-)
:P
:o
:>)
(o)
:p
:-?
(p)
:-s
(m)
8-)
:-t
:-b
b-(
:-#
=p~
$-)
(y)
(f)
x-)
(k)
(h)
cheer